“ТӨРИЙН БАНК” ХК-ИЙН ХЯНАЛТЫН ЗӨВЛӨЛИЙН ГИШҮҮНИЙГ СОНГОН ШАЛГАРУУЛАХ ЗАР
“Төрийн банк” ХК-ийн Хяналтын зөвлөлийн гишүүний сонгон шалгаруулалтыг зарлаж байна.
Хяналтын зөвлөлийн гишүүнд нэр дэвшигчид тавигдах шаардлага:
- “Төрийн банк” ХК-ийн хувьцаа эзэмшигч, иргэн байх;
- Өөрөө, эсхүл нэгдмэл сонирхолтой этгээдтэй хамтран банкны энгийн хувьцааны 5 (тав)-аас дээш хувийг эзэмшдэггүй байх;
- Банктай сүүлийн 2 (хоёр) жилийн хугацаанд хөдөлмөр эрхлэлтийн харилцаанд оролцоогүй байх;
- Банк, санхүүгийн салбарт мэргэжлийн үйл ажиллагаа эрхэлдэг банк болон бусад байгууллагын эрх бүхий албан тушаалтан, ажилтан эсхүл түүний холбогдох этгээд бус байх;
- Бусад банкны хувьцаа эзэмшигч бус байх;
- Банк, санхүү, эрх зүй, эдийн засаг, бизнесийн чиглэлээр дээд боловсролтой, мэргэшсэн, мэргэжлээрээ 5 (тав)-аас доошгүй жил ажилласан мэдлэг, туршлагатай байх;
- Зээл, батлан даалт, баталгааны гэрээгээр хүлээсэн хугацаа хэтэрсэн аливаа өр, төлбөргүй байх;
- Гэмт хэрэгт шүүхийн шийдвэрээр гэм буруутай нь тогтоогдож байгаагүй байх.
Хяналтын зөвлөлийн гишүүнд нэр дэвшигчид тавигдах тусгай шаардлага:
- Улс төрийн болон төрийн жинхэнэ албан тушаал хашдаггүй байх;
- Компанийн засаглалын сургалтад хамрагдсан байх;
- Англи болон Монгол хэлний бичгийн болон ярианы өндөр ур чадвартай бол давуу тал болно.
Бүрдүүлэх материал:
- Сонгон шалгаруулалтад оролцох тухай нэр дэвшигчийн хүсэлт;
- Анкет (Анкетыг бүрэн бөглөх, 3*4 хэмжээтэй цээж зураг заавал наасан байх); /Анкет татаж авах бол энд дарна уу.
- Ажил байдлын тодорхойлолт (ажил эрхэлдэг иргэн байгууллагаасаа тодорхойлолт авах, ажил эрхэлдэггүй иргэн өөрийн хийж гүйцэтгэсэн ажлын талаарх мэдээлэл);
- Боловсролын диплом, үнэмлэх, бусад сургалт, семинарт хамрагдсан гэрчилгээ, сертификатын хуулбар;
- Иргэний үнэмлэхийн хуулбар;
- Компанийн засаглалын гэрчилгээний хуулбар;
- Хяналтын зөвлөлийн гишүүнд тавигдах шаардлагад нийцэж буйгаа нотлох холбогдох бусад материалууд;
- Шүүхийн шийдвэрээр гүйцэтгэх өр төлбөртэй эсэх талаар эрх бүхий байгууллагын тодорхойлолт;
- Эрүүгийн хариуцлага, ял шийтгэл хүлээж байсан эсэх тодорхойлолт, лавлагаа;
- Мэргэжлээрээ болон банк, санхүүгийн байгууллагын эрх бүхий албан тушаалтнаар ажиллаж байсан ажлын туршлагатайг нотлох баримт;
- Хяналтын зөвлөлийн гишүүний ажил үүргийг хэрэгжүүлэхэд ашиг сонирхлын зөрчилгүй эсэх талаарх баталгааг бичгээр ирүүлэх.
"Төрийн банк ХК"-ийн Хяналтын зөвлөлийн ажиллах журамтай энд-ээс танилцана уу.
Хяналтын зөвлөлийн гишүүнд нэр дэвших этгээд нь гадаадын харьяалалтай иргэн бол дараах баримт бичгийг нэмэлтээр бүрдүүлнэ:
- Харьяалах улс, оронд зээл, батлан даалтын гэрээгээр хүлээсэн хугацаа хэтэрсэн аливаа өртэй эсэх;
- Харьяалах улс, орны шүүхийн шийдвэрээр гүйцэтгэх өр төлбөргүй болохыг нотлох баримт бичиг;
- Харьяалах улс оронд аливаа ял шийтгэл хүлээгээгүй болохыг нотлох баримт бичиг;
- Мөнгө угаах, терроризмыг санхүүжүүлэх, авлига, хээл хахууль, эдийн засгийн гэмт хэрэгт ял шийтгэл авч байгаагүйг нотлох баримт бичиг.
Сонгон шалгаруулалтын материал хүлээн авах газар, хугацаа:
Сонгон шалгаруулалтад орох иргэний материалыг 2023 оны 03 дугаар сарын 03-ны өдрийн 11 цаг хүртэл, Төрийн банкны Төв байрны /Чингэлтэй дүүрэг, 1-р хороо, Бага тойруу 7/1/ 1-р давхарт ресейпшн дээр хүлээн авна.
Анхаарах зүйлс:
- Материалыг дугтуйнд хийж, битүүмжилсэн байх ба дугтуйн гадна талд “Төрийн банк” ХК-ийн Төлөөлөн удирдах зөвлөлийн дэргэдэх Нэр дэвшүүлэх хороонд гэж хаяглан, сонгон шалгаруулалтад оролцогч иргэний оршин суух хаяг, холбоо барих утасны дугаарыг тус тус гаргацтай бичнэ.
- Нэг дугтуйнд зөвхөн 1 сонгон шалгаруулалтын материалыг хийнэ.
- Материалыг сонгон шалгаруулалтын дараа буцаан олгохгүй болно.
- Хугацаа хоцорсон материалыг хүлээн авахаас татгалзана.
- Материалын бүрдэл дутуу тохиолдолд сонгон шалгаруулалтаас хасна.
- Сонгон шалгаруулалтын шаардлага хангасан иргэнтэй Нэр дэвшүүлэх хорооноос холбоо барина.
- Нэмэлт мэдээллийг Төрийн банк ХК-ийн Төлөөлөн удирдах зөвлөлийн дэргэдэх Нэр дэвшүүлэх хороотой 75071881 дугаарын утсаар холбогдон авна уу.
“ТӨРИЙН БАНК” ХК
ТӨЛӨӨЛӨН УДИРДАХ ЗӨВЛӨЛИЙН ДЭРГЭДЭХ НЭР ДЭВШҮҮЛЭХ ХОРОО
УТАС
