Захиалгат шилжүүлэг

Захиалгат шилжүүлгийн үйлчилгээ нь тогтоосон хугацаанд (сард нэг удаа, 14 хоногт 1 удаа гэсэн сонголтоор), тогтмол дүнгээр харилцагчийн сонгосон данснаас гэрээнд заасан данс руу автоматаар шилжүүлэх үйлчилгээ юм.

Үйлчилгээний давуу тал:

• Банкны салбар, тооцооны төвүүд рүү явж үнэт цагаа үрэх шаардлагагүй
• Цаг хугацаа орон зайн хязгаарлалтгүй
• Бэлэн мөнгөтэй холбоотой аливаа эрсдэлээс найдвартай хамгаалагдана
• Интернэтээр дамжуулан дансны хуулгаа авч болно
• Мессежээр төлбөрийн тухай мэдээлэл хүлээн авах боломжтой
• Тогтсон хугацаанд, тогтмол дүнтэй төлбөрийг хугацаа алдалгүй төлж байх
• Хуримтлалаа тогтмол нэмэгдүүлэх.

Дараах төрлүүдтэй байна. Үүнд:

• Хуримтлалын шилжүүлэг. Шинээр хадгаламжийн данс нээж түүн рүү өөрийн тогтоосон хэмжээний мөнгө шилжүүлэх.
• Тодорхой хугацаанд тогтмол дүнтэй хийх төлбөрүүд. Тухайлбал, интернэт, кабель зэрэг тогтмол дүнтэй төлбөрүүд.
• Бусад төлбөрийн шилжүүлэг. Сар бүр, эсвэл 7 хоног бүр тогтоосон данс руу тогтмол дүнтэй шилжүүлгийг байнга хийдэг харилцагчдын хувьд Таны хүсэлтээр уг гүйлгээг хийх.

Санамж:

Хугацаатай хадгаламжийн дансны хувьд захиалгат шилжүүлэг хийх дансаар холбохгүй.