Төрийн банкны аль ч салбар нэгжээс халамжийн мөнгө авах боломжтой

2019-02-01


Төрийн банк нь Монгол Улсын бүх хотын суурин газарт байрлах 500 гаруй салбар нэгжээрээ дамжуулан 2.8 сая харилцагчиддаа банкны цогц үйлчилгээг хүргэн ажиллахын зэрэгцээ төрөөс иргэдэд олгодог 72 төрлийн халамжийн үйлчилгээг дамжуулан олгодог. 
2019 оны нэг дүгээр сарын нийгмийн халамжийн санхүүжилт Төрийн банканд оройтож орж ирсэн, мөн бусад банк халамжийн мөнгө олгохоос татгалзаж байгаа тул нийгмийн халамжийн санхүүжилтийг иргэдэд хүргэх үйлчилгээг Төрийн банк давхардсан тоогоор 360 мянган иргэнд олгохоор болсон нь Улаанбаатар хотын зарим салбар нэгжийн ачаалал нэмэгдэж, дараалал үүсгэж байна.
Тиймээс Төрийн банкнаас зохицуулалт хийн нийслэлд оршин суух харъяалалтай иргэд энэ долоо хоног дуустал Төрийн банкны Улаанбаатар хотын аль ч салбар нэгжээс халамжийн мөнгө авах боломжтой болголоо. Мөн салбар, нэгжийн хаяг байршлыг мэдээллийг w/mn/contactus/salbar гэсэн линкээс авч, дараалал багатай салбараар үйлчлүүлнэ үү.
Мөн зарим дүүрэгт халамжийн санхүүжилт орж ирээгүй байгаа тул Төрийн банкны www.statebank.mn цахим хуудас болон www.facebook.com/StatebankMN/ фэйсбүүк хуудаст санхүүжилт орсон тухай мэдээлэл орсны дараа өөрт ойрхон Төрийн банкинд очиж халамжийн мөнгөө авна уу.
 

 

 

Гялс банк

Ухаалаг гар утас болон таблетанд зориулсан ‘Gyals Bank’ аппликейшн нь интернэтийн сүлжээ бүхий хаанаас ч банкны үйлчилгээг авах боломжийг бүрдүүлдэг.

Дэлгэрэнгүй
ТӨРИЙН БАНК

Чингэлтэй дүүрэг, 1-р хороо, бага тойруу 7/1

УТАС

1800-1881

© 2009-2024 Төрийн банк ХК